Pyetje:
Përshëndetje!
Vajza ime është 5 vjeçe dhe problemi është që ajo në shtëpi flet shumë mirë por në kopsht nuk flet asnjë fjalë, jam e shqetësuar si mund ta ndihmoj vajzën time?
Përgjigje:
Përshëndetje!
Zakonisht kur një fëmijë nuk mund të flasë në kushte të caktuara, por mund të flasë mirë në të tjera atëherë kemi të bëjmë me mutizmin selektiv si në rastin e fëmijës tuaj kur mund të mos jetë në gjendje të flasë në kopsht, por mund të flasë pa problem në shtëpi. Quhet mutizëm selektiv sepse fëmija nuk flet vetëm në situata të caktuara, nuk është refuzim i qëllimshëm i fëmijës.
Trajtimi ndryshon në varësi të nevojave të fëmijës suaj dhe mund të përfshijë: -Rritni vetëbesimin e fëmijës tuaj.
-Përfshijeni fëmijën në një situatë të relaksuar me dikë me të cilin mund të flasë lirshëm dhe pastaj shumë gradualisht sillni dikë të ri në dhomë.
– Përdorimi i një qasjeje të strukturuar për të përforcuar dhe inkurajuar të gjitha përpjekjet e fëmijës suaj për të komunikuar, si p.sh. me gjeste ose pëshpëritje derisa të arrihet një fjalim i dëgjueshëm.
-Bëjeni fëmijën tuaj të shikojë videon e tij duke komunikuar mirë në shtëpi për të rritur vetëbesimin.
-Terapi logopedike nëse është e nevojshme.
-Mësuesja e fëmijës tuaj mund të ndihmojnë që komunikimi në kopsht të jetë më pak i frikshëm. Për shembull, një mësues mund të bëjë që fëmija juaj të flasë vetëm në grupe të vogla në fillim në vend që të flasë me të gjithë klasën. Me trajtim, një fëmijë ka të ngjarë të ndalojë së paturi mutizëm selektiv.
Pa trajtim, problemet e të folurit kanë më shumë gjasa të vazhdojnë. Është e rëndësishme të qëndroni të durueshëm me fëmijën tuaj. Mbani mend, fëmija juaj nuk po zgjedh të mos flasë. Fëmija juaj është shumë i shqetësuar për të qenë në gjendje të flasë.
Logopede, Egzona Maloku./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
